Pushime në Shqipëri? Itinerari perfekt për të vizituar Shqipërinë

Qytetet e artit në Shqipëri

Shqipëria është një vend i pasur në histori dhe traditë, si rrjedhojë e periudhës së gjatë të dominimit romak, e më pas atij osman. Më vonë, Shqipëria ka qenë shtet komunist nga viti 1944 dhe është republikë parlamentare që nga viti 1998. Nga Kruja në Gjirokastër, ndërmjet Tiranës dhe Beratit, mund të shihni që nuk mungon arti, kultura apo edhe historia.

Tirana

Tirana është kryeqyteti i Shqipërisë dhe qëndra e institucioneve më të rëndësishme të vendit. Ndërtesat në qendër të qytetit dëshmojnë drejtpërdrejt periudhat e dominimit dhe historisë së vendit.

Gjëja e parë që vihet re në Tiranë është sheshi Skënderbej, i cili mban emrin e Skënderbeut, heroit kombëtar shqiptar që luftoi për vite me radhë kundër Perandorisë Osmane, të cilit i kushtohet statuja që e paraqet mbi kalë në qendër të sheshit. Rreth sheshit shihen Kulla e Sahatit, Xhamia Turke Ethem Beu, Teatri i Operas dhe Baletit dhe një mori ndërtesash të tjera që do t'i zbuloni ndërsa shikoni përreth!

Vizita në Bunk'art do të jetë një aventurë në zbulimin e kryeqytetit në kohën e komunizmit, ashtu si edhe ecja nëpër rrethin e Bllokut, dikur i populluar vetëm nga zyrtarë të regjimit komunist dhe tani plot me bare dhe klube nate. Një vizitë në Katedralen e Ngjalljes do t'ju japë një ndjenjë të shpirtit ndërfetar të Shqipërisë, ndërsa rrugët Deshmoret dhe Kombit i kushtohen martirëve dhe luftëtarëve shqiptarë dhe janë shtëpia e disa prej ndërtesave më të rëndësishme të qytetit.



Berati

Berati u shpall qytet i trashëgimisë së UNESCO-s në vitin 2008 si një shembull i rrallë i një qyteti osman të ruajtur mirë. Qyteti dominohet nga një kala e ngritur në një kodër, Kalaja e Beratit, nga e cila ka një pamje të bukur si edhe kulla, kisha dhe xhami. Berati njihet edhe si qyteti i ''Një mijë dritareve'' falë shtëpive të shumta osmane të bardha që shtrihen në brigjet e lumit Osum dhe krijojnë lagjet Mangalem dhe Goricë. Në këto lagje të zhytura në kulturën shqiptare, mund të bëni shëtitje të gjata nëpër rrugë gjarpëruese me pamje piktoreske.



Gjirokastër

Ndër atraksionet kryesore të këtij qyteti janë kalaja e madhe, lugina e Drinit dhe pazari, qendra e jetës së qytetit. Por mund të admironi edhe sheshin ''Çerçiz Topulli'', tunelin e Luftës së Ftohtë që strehonte popullsinë në rast lufte, Xhaminë e Bazarit dhe Obeliskun e Arsimit, një pikë e favorshme mbi qytetin.

Ku të bëni plazh në Shqipëri?

Deti në Shqipëri është shumë i nënvlerësuar, por i mahnit të gjithë. Është afër me pjesën me të madhe të Europës, është i lirë dhe i kristaltë, çfarë mund të dëshironi më shumë? Ndër destinacionet bregdetare më të njohura dhe më turistike janë Durrësi dhe Vlora, por plazhet sekrete dhe akoma më pak të pacenuara janë të shpërndara në të gjithë 460 km të vijës bregdetare që Shqipëria ofron.

Vlorë

Gjiri i Vlorës është më i madhi në Shqipëri dhe ai që ofron larminë më të madhe të plazheve: limane shkëmbore, plazhe me rërë të rrethuar nga pyje me pisha apo gjire që mund të arrihen vetëm nga deti. Ndër më të njohurit janë plazhet e Ujit të Ftohtes, Orikumit, Gjipesë dhe Radhimës, më pas gjiri magjepsës i Porto Palermos.



Durrësi

Deti i Durrësit është veçanërisht i popullarizuar nga të rinjtë dhe familjet sepse deti është i cekët, plazhi është me rërë dhe bregdeti është plot argëtim. Deti i pastër kristal nuk është pika e fortë e këtij qyteti, por plazhi i Spillesë dhe ai i Gjeneralit bëjnë përjashtim nga rregulli!