Peshkopi

Perla e Dibrës, mes bjeshkëve të pafund, pyjeve të pishave të buta, liqenit, gipsit të bardhë dhe larmisë shkëmbore, staneve dhe burimeve ujore, Grama është destinacioni I magjishëm malorë vetëm 9 km nga Peshkopia. Nga çatia e Shqipërisë, aty ku fluturohet, nga mali më i lartë i Shqipërisë Korabi, drejt parkut kombëtar të Lurës dhe luginës së Drinit të Zi, mes lumenjve dhe 21 liqeneve akullnajore, me ecje në këmbë, me bicikleta, me kanoe dhe rafting, me kampingje dhe me makina off road, Dibra është një mrekulli natyrore; Zonja Lurë me natyrën dhe kullat karakteristike, liqenet e Kacnisë, ujëvara dhe shpella e Sopanikës, bjeshka e Gramës në vargamlin e Korabit, bukuritë malore të Kalasë së Dodës, ujërat termale në Peshkopi dhe fshati turistik i Rabdishitit, stanet e Hinoskës dhe Kërcini madhështorë, mbi 41 monumente natyrore, shpella dhe kanione, janë destinacione të paeksploruara të Aventurave pafund; Histori dhe legjenda që nga qyteti ilir i Uskanës dhe deri tek vendlindja e Skënderbeut, me mikpritje mistike ku ju mund te shijoni ushqimin e mrekullueshëm tradicional që nga llallangitë, pula me jufka, sheqerparen, fruta dhe lëngje frutash bio, me një rini të paparë, plotë energji, mikpritësë dhe të dashur, Ju ofrojnë një udhëtim mes malit dhe diellit, mes monumenteve të bukurisë dhe legjendave,Nëse nuk e ke vizituar ende Dibrën, nuk e ke parë ende Shqipërinë!Aty ka mikpritje dhe dashuri, mes traditash dhe vyrtytesh dibrane, sepse dibranët e respektojnë mikun dhe viztorët i quajnë miq, sepse dibranët e duan turizmin me zemër. Vizito Dibrën!